Toca buscar o parasol, pero aínda non garde o paraugas

  Coas gafas no bolsillo e a chaqueta na mán... esto xa está chegando o seu fin, xa remata esta aventura e os catro meses de traballo realizado na materia de Novas Tecnoloxías aplicadas á Educación Primaria.

  Estou contenta por haber desenvolto e adquirido máis soltura no que respecta ao uso das TIC, sobre todo á hora de crear actividades e recursos interactivos, así como á hora de pensar e sacar adiante unha idea que, quen sabe, ao mellor a emprego nun futuro coma docente. É importante fortalecer as competencias e as habilidades que teñan relación coas tecnoloxías, identificando, analizando e reflexionando sobre os contidos que están na rede, adaptándoo todo deste mundo da sobreinformación á idade dxs máis cativxs.

  Moitas grazas polo voso seguimento e recordade, se cambias os teus hábitos, cambia a túa vida 💖.

Valoración sobre os proxectos expostos

  Moi boas a todas e a todos, como vai indo a vosa semana?

  Na mañá de onte tivemos as presentacións sobre os proxectos que eliximos ao principio do segundo cuadrimestre, como ben xa sabedes polas primeiras entradas do blog. O proxecto que escollín co meu grupo foi a creación dunha revista escolar dixital, unha ferramenta que permite visualizar o seu contido desde calquera parte do mundo, aforrando tempo e, nalgúns casos, custos económicos. Ademais son ecolóxicas e non precisan o uso de papel nin de tintas para a súa impresión ou publicación, evitando a deforestación e contribuíndo desta forma á protección do medio ambiente e dos ecosistemas.

  Respecto ás presentacións gustáronme cada unha delas, non soamente por como o fixeron, senón tamén polo feito de observar que cada persoa do grupo aprendeu moito nesta materia, sabendo que o imos a levar fóra e as nosas aulas nun futuro coma docentes. En canto á miña presentación, sen ter en conta a parte das miñas compañeiras, sei que o puiden facer mellor pero os nervios sen previo aviso fixeron un pouco das súas, xa sabedes... Aínda así estou satisfeita co traballo realizado, estando orgullosa tamén polo noso compromiso de principio a fin, organizándonos e axudándonos unhas ás outras.

A presentación

Ola blogueirxs!

 Hoxe voltamos as tres integrantes do grupo para ensinarvos algo do que estamos moi orgullosas, a nosa presentación. Esta sirveunos de apoio para contar todo o que fixemos ata agora, ás nosas compañeiras, e como coidamos que lles gustou, tamén lla queremos ensinar aos nosos blogueirxs. 

 Tamén aproveitamos para irnos despedindo, a nosa labor por aquí está a piques de rematar. É unha mágoa que fose tan pouco tempo convosco, as últimas semanas foron as máis entretidas, pero como todo o bo, isto acábase.

Revista escolar dixital

  Ola compañeiros e compañeiras!

  Xa sabedes que estamos a punto de rematar, por iso vimos por aquí para ensinarvos a nosa revista sobre os hábitos saudábeis. Dentro dela podedes informar aos nenos e nenas, ensinándolles a teoría así coma todas as actividades que realizamos.

  A revista é unha ferramenta que conta cunha estrutura pensada para facilitar a aprendizaxe, pois empeza cunhas actividades motivadoras e atraíntes para os máis cativxs. A medida que o alumando se afonda na revista, vai descubrindo novos apartados (alimentación, deportes e hixiene) que lles permitirán ampliar e consolidar os seus coñecementos.

Paara facer esta revista escollimos a aplicación Joomag, unha ferramenta moi completa pero ao principio custounos collerlle o punto, posto que non estabamos acostumadas. 

  Espero que sirva para as vosas sesións 😉

Open publication - Free publishing

  Ata pronto😘

Case rematando

  Blogueiras e blogueiros, hoxe é un día no que estamos contentas por poder ensinarvos o noso proxecto co seu respectivo informe.

  Neste  post queremos ensirnarvos o noso informe final da revista escolar dixital sobre os hábitos saudábeis. Traballamos decotío para obter un estupendo resultado lucrativo e agradable tanto para o grupo de docentes coma para o alumnado. Este conta con todas as últimas actividades, cos nosos obxectivos do proxecto e unha breve conclusión, agardamos que vos guste!

Isto non é unha despedida definitiva, senón un deica logo.

As miñas actividades multimedia para a aula

  Moi boas xa estamos de volta!!

 No día de hoxe as miñas compañeiras máis eu traémosvos doce recursos didácticos multimedia para ser utilizados na aula. Sen duda algunha estes atractivos materiais multimedia poden favorecer aos procesos de ensinanza e aprendizaxe, tanto individuais coma grupais. As súas aportacións son numerosas: proporcionan información, avivan o interese, manteñen unha continua actividade intelectual, orientan ás aprendizaxes, facilitan a avaliación e o control, promoven a iniciativa entre o alumnado, etc.

  A miúdo o alumnado aprende as cousas con menos tempo, aínda que pode darse o caso de ser unha aprendizaxe incompleta e superficial. Acercánse e póñense máis en contacto coas novas tecnoloxías e coa linguaxe audiovisual. O problema disto é o sobreuso e o exceso que por regla xeral xa lle dan de por si nos seus fogares cada un dos nenos e nenas, conlevando á posible aparición de problemas visuais.

 Tras facer unha breve introdución, paso a ensinarvos as actividades multimedia que creei, explicándovos que son e a finalidade que teñen. As dúas primeiras foron realizadas na mesma aplicación, Educaplay, unha plataforma gratuíta que permite xerar as nosas propias actividades educativas de maneira sinxela e cun resultado apto e óptimo.

• Adiviñas: Enigma ou pregunta enxeñosa para entreterse en acertar a resposta. Entre os obxectivos que nos podemos encontrar están o feito de entreter e divertir ao alumnado, ou de contribuir á aprendizaxe e á ensinanza. No noso caso son cinco imaxes (unha por adiviña, é dicir, hai cinco adiviñas en total) que se irán desenfocando a medida que pides, se o precisas, unha nova pista para tentar dar coa resposta correcta, a cal é o nome do obxecto ou feito que aparece na imaxe. Todas as adiviñas teñen como tema principal a hixiene persoal. Obviamente non vos vou a dicir por aquí cales son as respostas, para iso teredes que xogar jejeje.

- Adiviña 1:

https://es.educaplay.com/recursos-educativos/4461943-adivinas_ou_rendeste.html

- Adiviña 2:

https://es.educaplay.com/recursos-educativos/4461881-adivinas_ou_rendeste.html

- Adiviña 3:

https://es.educaplay.com/recursos-educativos/4453752-adivinas_ou_rendeste.html

- Adiviña 4:

https://es.educaplay.com/recursos-educativos/4453734-adivinas_ou_rendeste.html

- Adiviña 5:

https://es.educaplay.com/recursos-educativos/4453699-adivinas_ou_rendeste.html

• Completar as oracións coas palabras soltas. Con este simple exercicio co cal ordenan as palabras pola súa orde correcta para que o significado teña relación e coherencia, averiguamos se comprenderon o texto na súa totalidade. Ademais, a capacidade de comprender adecuadamente o que lemos facilitará a aprendizaxe dos coñecementos posteriores.

• Preguntas tipo test sobre a primeira parte do cómic de "Brando Hero". As probas tipo test son un modelo de exame de resposta pechada, é dicir, non admite variación na resposta. Están destinadas a avaliar os coñecementos, aptitudes ou funcións. Poden ser orais ou escritos, con preguntas de resposta simple (unha única opción) ou múltiple (dúas ou máis repsostas correctas). Permiten corrixir cuantitativamente e mesmo de forma automatizada, o inconveniente é que solamente se poden avaliar os contidos ou determinar habilidades de asociación e non outors aspectos como a abstracción, a capacidade de expresión, a articulación dos coñecementos, etc. A aplicación foi Kubbu, da cal xa vos falei anteriormente 😉.

• EdiLIM sobre deportes. Son tres exercicios interactivos, dous de clasificar textos e un de preguntas. No primeiro tense que clasificar as oracións que aparezcan co seu respectivo deporte (baloncesto/fútbol e ximnasia rítmica/judo). No segundo simplemente tense que contestar as preguntas cunha resposta curta.

Crear pósters e murais

 Moi boas!! Xa estamos de novo por aquí para traervos as últimas ferramentas TIC que vos permiten xerar actividades educativas, esta vez trátase de...

• Glogster:

 É unha ferramenta que permite crear pósters e murais dixitais multimedia, coa opción de imprimilos ou de insertalos nunha web (blog), puidendo proxectalos en clase mediante unha pizarra dixital (PDI) como apoio á presentación de determinados contidos didácticos. Para imprimir o mural simplemente pulsamos sobre el co botón dereito do ratón. A aplicación é moi coñecida e utilizada no entorno educativo, precisas rexistrarte pero é fácil, divertida, creativa e con moitas posibilidades lucrativas.

 Nos pósters interactivos pódese incluír texto, adornos vistosos, vídeos, imaxes, audios, etc. Cando lle demos a crear o póster, abrirase unha páxina que conta con oito seccións:

- Graphics: insertar todo tipo de deseños decorativos.

- Text: insertar texto simple ou insertalo en diferentes marcos.

- Image: añadir fotos e imaxes.

- Vídeo: incluír vídeos desde o noso ordenador ou desde Youtube.

- Sound: añadir audios.

- Data: introducir datos.

- Draw: realizar debuxos.

 Axúdanos a fomentar a creatividade entre o noso alumnado e permite realizar e resumir conceptos, realizar recopilacións de audios e vídeos, exposición de fotografía e imaxes, presentar lecturas, xogos, traballos, artigos, etc.

Nubes de palabras

 Ola de novo!

 Hoxe vouvos falar sobre dous xeradores de nubes de palabras:

• Wordle.

 É unha aplicación en liña gratuíta que serve para xerar nubes de palabras ás cales se lle poden dar diversos formatos visuais, a partir dun texto libre ou mesmo dun texto que contén unha web determinada. Para a docencia trátase dunha ferramenta sinxela e motivadora coa que plantexar numerosas actividades de aula. Simplemente debemos acceder a ela e pulsar en Crear, deste modo accedemos a outra páxina na que xa poderemos escribir o texto, a URL dun blog ou sitio web e darlle o deseño que máis nos guste.

 Puntos a favor:

- As nubes dan maior prominencia ás palabras que aparecen con máis frecuencia no texto de orixe.

- Pódese variar a letra, as cores e a disposición das palabras.

- Cun código necesario pódese insertala no voso respectivo blog ou web. 

 Puntos en contra:

- A aplicación encárgase de eliminar cifras, signos de puntuación e palabras demasiado usuais como artigos e preposicións.

- Non se pode gardar a imaxe directamente.

• NubeDePalabras.

 Tamén é unha aplicación en liña e gratuíta que serve para xerar nubes de palabras (coma o seu nome indica) a partir dunha lista de palabras, texto ou URL que daremos nós. Tras isto pódese personalizar as cores, escoller un deseño de forma para a nube de tags, a fonte, etc.

Posee moitas opcións que a converten nunha app bastante práctica para utilizar na aula co alumnado, resaltando graficamente as palabras clave dun unidade didáctica.

Ferramentas TIC para xerar actividades educativas. Kubbu

  Moi boas a todas e a todos, xa estamos de volta!!

 Nesta entrada e nas seguintes, tanto as miñas compañeiras máis eu, imos a falarvos sobre as ferramentas TIC que permiten xerar actividades multimedia educativas dentro da pedagoxía. Cando sexamos docentes e comecemos a impartir clases empregaremos numerosos dispositivos tecnolóxicos, os cales, se son utilizados de maneira correcta, convértense nunha ferramenta poderosa para buscar unha mellora na atención e no rendemento académico do alumnado. Cabe mencionar que a pesares destes avances nos instrumentos didácticos, elevándose con eles a calidade da labor coma mestras e mestres, non podemos descoidarnos da redacción e da habilidade de escribir en papel, que poden chegarse a malograr sen non as temos en conta.

 Necesitaremos materiais que se adapten ás novas formas de presentar tanto os contidos coma o método de traballo escollido, sen esquecernos da relevancia que ten adaptarse a totalidade e a diversidade de alumnado dentro da aula. Seguramente pasemos gran parte do noso tempo buscando en internet recursos didácticos relacionados coa materia a dar, ben sexan presentacións, mapas conceptuais, vídeos... cos cales motivar e sacarlle o máximo proveito ás posibilidades das novas tecnoloxías. Xa sabemos que en internet pódense encontrar actividades educativas entretidas, interesantes e de gran calidade, pero moitas veces non se axustan aos nosos obxectivos fixados con anterioridade ou á nosa forma de plantexar as actividades.

 Dito isto, pasamos a comentar a primeira ferramenta que utilicei para crear unha actividade que xa veredes en entradas póstumas. Trátase da plataforma Kubbu, a cal ofrece un software para construír e almacenar exercicios interactivos online e de maneira gratuíta (sempre e cando a clase á que vai dirixida non supere os 30 estudantes). Non precisa ningún tipo de instalación, é de fácil acceso e sinxela de empregar. Conta con numerosos tipos de actividades variadas:

• Match: tipo dominó no que tes que asociar unha definición coa súa resposta. Adecuada para empregar na aula á hora aprender palabras novas, sinónimos, antónimos, etc.
• Divide: clasificar diferentes conceptos ou definicións dentro de categorías ou grupos.
• Slider: xerar tres tipos de tests distintos:
• Sinxelo: unha única respuesta correcta entre catro opcións.
• Resposta múltiple: máis dunha opción correcta.
• Climb up: subir dificultade das preguntas a medida que o test avanza.
• Composer: xerar cuestionarios con opcións de resposta sinxelas e múltiples, ou falso e verdadeiro. Permite traballar con sons e imaxes para crear unha experiencia multimedia e interactiva.
• Crossword: crucigramas que se xeran de forma automática tras darlle ao programa unha serie de palabras e definicións.

 Esta aplicación déixanos imprimir os xogos, os crucigramas e os cuestionarios que creemos, coas súas follas de respostas para a posterior revisión, xa que podemos controlar tanto o rendemento da clase coma comparar e ordenar as avaliacións segundo os diferentes criterios.

Rastrea-quest

  Canto tempo amigxs!

  Hoxe volvimos a reunirnos as membras do grupo para ensinarvos un novo recurso, unha webquest: "Ponte o mandil".  Este é un recurso no que todo o alumnado pode, dunha forma entretida e educativa, aprender novos contidos sobre calquera tema. Nós relacionamos este recurso cos hábitos saudábeis, por iso, a súa actividade final (indivudal) será a comparación da súa comida habitual coa súa nova dieta mediante a elaboración dun menú equilibrado e variado no que se terá en conta aspectos como as estacións do ano.

  Para axudar aos pequenxs, proporcionámoslle unha variada serie de enlaces web con información sobre os alimentos. Esta mesma información serviralles de axuda para poder elaborar un menú saudábel organizado en grupos que, ademais de ser unha tarea para a clase, poderán aplicalo para o seu día a día. Nesta actividade teremos en conta o traballo colaborativo, a creatividade e a elaboración dun menú completo. Ademais da capacidade de reflexión que fagan na comparación.

  Estade atentxs ás seguintes entradas, estamos seguras que vos gustarán 😉

Tres recursos para escoller

 Boas a todxs!

 Hoxe voltamos a un mesmo post as tres autoras deste blog para presentarvos os nosos respectivos recursos que elaboramos con cansúa aplicación. Todas tratamos de promover os hábitos saudábeis de diferentes maneiras:

 A través da historia de Brais, un neno un pouco descoidado, fixen un Storytelling que podedes ver en Youtube (Historia de Brais). A aplicación Powtoon foi a que me permitiu crear este vídeo, co cal creo que os alumnos e alumnas máis pequenxs poderán aprender unha historia con moraleja.

 Fixemos tamén un videoquiz do vídeo de Hábitos de alimentación no que se avalía a atención prestada facendo preguntas durante a reprodución do recurso. Este foi realizado en Educaplay, plataforma moi versátil e sinxela de empregar.

 E por último, traiovos a primeira entrega de Brando Hero, o superheroe dos hábitos saudables. As ferramentas-aplicacións que utilicei foron dúas: Maje Beliefs Comix para crear as ilustracións, e o Power Point para os bocadillos e os textos que conteñen. Foron moi doadas de usar ambalas dúas e estou satisfeita co traballo que fixen, de feito estoume replantando facer unha segunda entrega, vós que opinades? (deixádeme as vosas opinións ⬇).

  

Recursos multiTIC

 Paréceme que é importante comunicarvos a todxs os que estades a ler isto nestre intre, sobre todo a aquelas persoas relacionadas co mundo educativo, que existen unha gran cantidade de ferramentas a nosa disposición para crear e deseñar recursos multimedia adaptados ás aulas e aos máis pequenxs. Entre todos eles encontramos:

👉 Book Tráiler é unha ferramenta atractiva para usar na clase e fomentar a lectura, xa que se trata dun pequeno vídeo que promociona ou anticipa un libro en Internet. Soen ser de curta duración e gran intensidade para captar a novxs lectores que están máis vinculados ás series e á televisión. A través de imaxes e audios intentarase mostrar o contido do libro que se pretende promocionar ou anticipar. Tampouco é tarefa sinxela, cómpre traballo e implicación no proxecto.

👉 Para a creación dun cómic ou de debuxos animados destaco Maje Beliefs Comix e Pixton. A primeira foi a que utilicei para facer o meu cómic, sinxela de uso e con moitas opcións para elixir. Logo está Pixton, outro xerador de cómics moi completo que deixa tanto personalizar os personaxes coma engadirlles expresións e posturas. O único que non me gustou desta última aplicación, foi que precisas rexistrarte con anterioridade.

👉 Cando queramos facer un videotutorial temos que saber como realizar unha captura do vídeo e da pantalla propia para poder mostrar o que se está a facer. Recomendo utilizar Atube-catcher,  un manual que nos ensina paso a paso como facelo e de maneira amena.

👉 Stop Motion é un recurso moi usado na animación que consiste en dotar de movemento a obxectos estáticos mediante unha sucesión de imaxes fixas. Require traballo e paciencia, posto que tes que fotografar fotograma a fotograma pequenos cambios de figuras ou materiais maleables como son a plastilina, algúns bonecos pequenos ou recortes de papel. Déixovos un pequeno exemplo para que vexades a dinámica e vos riades un rato: https://www.youtube.com/watch?v=JIWORIShMi0.

👉 Storytelling permite ao alumnado crear unha historia real ou ficticia (relacionado co tema de estudio) de tal maneira que lle estamos dando a oportunidade de aprender dunha maneira innovadora e motivadora para eles, buscando unha aprendizaxe significativa. É un medio de entretemento visto como unha ferramenta educativa moi eficaz. Unha páxina para crealo sería Story Bird.

 Para concluír, escollamos unha ferramenta ou outra, temos que ter sempre presente a quen vai dirixido, debendo de estar adaptados ás súas idades e capacidades. Ademais, non se trata de pór un montón de cousas, antes calidade que cantidade, por isto hai que facer un contido que recolla todo de maneira sintética pero exhaustiva.

Post-ureando

 Como vai todo?

 Hoxe traémosvos novidades! Como xa sabedes, estivemos na procura de recursos TIC para traballar os hábitos saudables na escola. Esta tarefa foi algo custosa no que respecta á búsqueda de ferramentas, aplicacións, xogos didácticos, vídeos... especializados no tema e, sobre todo, adaptados á idade que abrangue os cursos de primaria.

 Os diversos recursos TIC que as tres compoñentes dos Ánxeles de Charlie eleximos, están recollidos nas tres entradas anteriores (Se aínda non as listes, baixa co ratón para abaixo, son de gran interese ⏬). Ben, dito isto, que aportarán ao noso proxecto de revista dixital que as outras non teñan? Non podemos negarvos que algúns dos recursos seleccionados seguro que xa vos son familiares, un exemplo claro serían as xa coñecidas e popularizadas charlas TEDx. Aínda así, cremos que o resto de recursos son moi prácticos para ser empregados polo docente na aula, innovadores e novidosos ao noso parecer, actualizados para a época tecnolóxica na que nos encontramos e moi amenos para xs máis pequenxs.

Un recuncho con recursos TIC

 Na actualidade, xa sabemos que as novas tecnoloxías desempeñan un papel destacable dentro do ámbito escolar, xerando entre a diversidade de alumnado existente, un incremento positivo no proceso da aprendizaxe. Con isto demóstrase un dos moitos beneficios que a aplicación da informática ofrece á educación.

Fonte: http://www.tecnohotelnews.com/2015/09/las-nuevas-tecnologias-eje-del-congreso-turismo-para-todos/#prettyPhoto[pp_gal]/0/

 As numerosas ferramentas TIC proporciónanlle á docencia, entre outras cousas, novas opcións de ensinanza e estratexias para que o alumnado aprenda dunha maneira máis rápida, fomentando ao mesmo tempo a súa creatividade; tamén lles permite realizar adaptacións específicas para aquel alumnado que presente dificultades na aprendizaxe, sendo, ademais, unha gran axuda para o progreso daqueles alumnos e alumnas que posúan algún tipo de discapacidade, enfermidade ou trastorno.

 Tralo anteriormente dito e seguindo as indicacións da docente, propúxenme antes de nada a revisar os enlaces amosados nunha carpeta do curso. Das páxinas consultadas, estas dous son as que máis me gustaron:

http://www.cristic.com/infantil/naturales/

 Neste enlace podedes encontrar xogos educativos online e gratuítos tanto para infantil coma primaria (cos seus respectivos cursos). Indo a calquera destes dous apartados e pinchando sobre as ciencias naturais, amósanse algúns xogos relacionados co tema dos hábitos saudables, dando a oportunidade aos nenxs de coñecer o corpo humano e o seu funcionamento, as froitas, a enerxía que temos durante o día... Todo isto mentres unha/un xoga, posto que non hai mellor método para aprender que xogando.

https://villaves56.blogspot.com/p/revistas-y-bases-de-datos-online-sobre.html

 Este blog recolle unha serie de ferramentas, vídeos e noticias sobre a educación que a web 2.0 proporciona, sendo susceptibles á hora da súa utilización nas aulas. Entre todas elas destaco unha xa mencionada na precedente entrada miña (se aínda non a liches, invítote a que a leas presionando co ratón aquí):

• Educación tres punto cero.

 Logo busquei tres recursos TIC prácticos na súa aplicación para o noso proxecto (a revista dixital  por se non vos acordades😉).

 Tanto as miñas compañeiras coma eu tivemos en conta a variedade, escollendo entre a infinidade de recursos nove que ao noso parecer son moi funcionais e adaptados aos máis pequenxs da casa. Hai desde contidos audiovisuais ata algúns xogos, aplicacións, contos infantís...

 TEDx

 Un programa dedicado ás "ideas dignas de difusión", coñecido polo seu congreso anual (TED Conference) e as súas charlas (TED Talks) que cobren un amplo abanico de temas que inclúen ciencias, deseño e artes, educación, entretemento e política entre outros. Hai máis de 1000 charlas TED disponibles en liña para consultar en calquera idioma e coa posibilidade de descargalas gratuitamente.
 Dentro deste gran abanico topamos numerosas charlas sobre os hábitos saudables. O importante ademais disto é que as charlas soen ser curtas, de fácil comprensión e cunha meta fixada, sendo recomendables para os cursos a partir de 4º de primaria. Un exemplo dos moitos vídeos que podedes consultar tanto nesta aplicación coma en youtube mesmo son:

• "¿Estamos locos? No se puede comer de todo" - Alicia Baldó - TEDxAlcoi.

Actividades de guía para os docentes

 A continuación, déixovos algúns documentos con actividades que serven aos docentes para realizar nas súas aulas, con tema principal os hábitos saudables.

• Batería de actividades.

 Neste documento desenvólvense 25 actividades sobre a boa alimentación, tendo en conta a agricultura (ecolóxica) e o medio ambiente. Todas teñen unhas previas indicacións que obviamente poden ser movibles ao gusto do docente.

• Jugamos todos. Descubriendo hábitos saudables. Guía do docente especializada no alumnado de 8 a 9 anos.

 Este documento recolle e toca temas como a actividade física, a alimentación e a hixiene; habendo un caderno de actividades para o alumnado de 7 a 9 anos: Jugamos todos. Descubriendo hábitos saludables.

 City Salud

 É unha plataforma da Fundación Pfizer que ten como finalidade crear bos hábitos nxs máis pequenxs da familia, resultando fundamental para previr enfermidades actuais e futuras. Pretenden axudar aos educadores e aos país/nais na xeración de comportamentos responsables nxs nenxs para conservar a súa saúde.

 Recóllense diversas fichas pedagóxicas para imprimir, actividades para realizar na casa e un videoxogo online dispoñible en diferentes idiomas. Con isto aprenden acerca dunha alimentación saudable, a actividade física e a importancia dunha boa hixiene, todo isto a medida que avanzan por diferentes escenarios no xogo coa axuda das fichas informativas. Tamén se fomenta a prevención dos hábitos nocivos como o consumo de tabaco e alcohol. Esta plataforma está destinada as idades comprendidas entre os 8 e os 12 anos. Deben solucionar diferentes probas para chegar á "Sala do consello dos sete sabios", onde alcanzarán o final de City Salud.

Folla a folla, palabra a palabra

 Comezar un proxecto non é unha tarefa sinxela, iso xa o sabemos, os inicios sempre custan. Por iso é importante elixir un tema que sexa atractivo non soamente para nós, quenes realizamos con moito agarimo este blog, senón tamén para ti, para todas esas persoas que estades a ler isto agora mesmo.

 Ademais do primeiro punto xa cidado, cabe destacares tanto o feito de ter unha boa organización coma o de posuír uns coñecementos previos sobre o tema escollido. Estes dous aspectos permiten construír positivamente os cimentos para chegar a cima do noso proxecto, o cal ides a vivir paralelamente connosco a través de cada unha das publicacións que semana a semana iremos subindo.


 Con respecto á creación de contidos, precisamos buscar e analizar portales web educativos e páxinas institucionais, cuxa información sobre a prensa sexa obxecto de estudo, recurso didáctico ou medio de expresión nos centros educativos. Coñecer e averiguar máis sobre a súa organización interna, o seu funcionamento, o seu uso, as súas actividades, os recursos multimedia que integran, as aplicacións informáticas que empregan para a súa elaboración...
 De igual modo, temos que saber como deseñar, crear, desenvolver e programar unha serie de secuencias didácticas que utilizaremos seguindo a nosa liña temática seleccionada.


 Coma primeira toma de contacto, consultei os seguintes recursos e sitios web:

 Educación tres punto cero: É unha páxina web que publica catro revistas ao ano. Titúlase "EDUCACIÓN 3.0. Líder informativo en innovación educativa". O último número pertencente ao mes de agosto é o número 32. Dentro deste formato encontrámonos con diversos apartados, algúns dos cales son: noticias, actualidade, análises, libros de consulta, tribuna de opinións, entrevistas...
 Poden sernos útiles os artigos que conteñen, os recuros dixitais, as innovacións educativas e algunhas das entrevistas realizadas para darnos idea de como podemos focalizar os nosos contidos propios sobre os hábitos saudables.

Fonte: https://www.pinterest.com.mx/pin/351140102172237928/

 La Voz de la Escuela: É un suplemento  escolar que publica La Voz de Galicia cada mércores con información para entender o periódico e orientacións sobre como enfocar as noticias desde un punto de vista pedagóxico, tal e como nos explica a páxina web. Dentro da nosa contorna xeográfica este medio é coñecido pola gran parte da poboación.
 A pesar de tratarse dun periódico e non dunha revista, amosa noticias interesantes e mesmo algunha que outra actividade lucrativa e didáctica para facer na aula. No último suplemento de cada mes, recóllese nunha páxina un calendario do mes seguinte, onde en cada un dos días aparece un dato destacable do mesmo, acompañado sempre dunha pequena imaxe ilustrativa. Na cabeceira do calendario obsérvase un debuxo, que a miúdo ten ao lado unha pequena oración representativa.


 Píxel Bit: É unha revista de medios e educación que nos indica xa no seu inicio, estando persoalmente moi de acordo con ela, que as TIC se están a converter nunha ferramenta de desenvolvemento e potenciación das nosas escolas e institucións formais. Está vinculada coa Universidade de Sevilla.
 Hai numerosos exemplares cunha táboa de artigos abundante e temas variados. Todos os temas teñen de enlace a aplicación das TIC, parecendo así de primeiras un asunto pouco relacionado cos hábitos saudábleis. Non obstante, permítenos adquirir aprendizaxes de maneira indirecta, visualizando a maiores como se organizan e a súa estrutura.


 Para concluír, considero que os recursos ofrecidos pola docente no documento "Proxectos de prácticas"  seranos de utilidade para o blog, algúns máis ca outros, pero podo asegurar que son unha axuda para os cimentos que precisamos á hora de construir o noso proxecto.

Mellorando o voso día a día

Bos días, boas tardes ou boas noites segundo o momento do día no que estés lendo este blog sobre os "Hábitos saudábleis".

Eu son Alba Fernández, alumna do Grao en Educación Primaria, e xunto coas miñas dúas compañeiras, Andrea Couceiro e Belén Fernández, realizaremos un proxecto de revista dixital con tema a tratar xa mencionado, os hábitos saudábleis.

Neste blog iremos recollendo diversos artigos que seguro que vos serán interesantes de ler para pasares un bo tempo de lecer, pero, sobre todo, para que saiades sabendo un pouquiño máis e vos concienciedes do importante que é manter unhas boas prácticas de vida saudable e estar contentxs con vós mesmxs.

Fonte: https://www.myfamilyfirstchiro.com/healthy-habits-summer/