Toca buscar o parasol, pero aínda non garde o paraugas

  Coas gafas no bolsillo e a chaqueta na mán... esto xa está chegando o seu fin, xa remata esta aventura e os catro meses de traballo realizado na materia de Novas Tecnoloxías aplicadas á Educación Primaria.

  Estou contenta por haber desenvolto e adquirido máis soltura no que respecta ao uso das TIC, sobre todo á hora de crear actividades e recursos interactivos, así como á hora de pensar e sacar adiante unha idea que, quen sabe, ao mellor a emprego nun futuro coma docente. É importante fortalecer as competencias e as habilidades que teñan relación coas tecnoloxías, identificando, analizando e reflexionando sobre os contidos que están na rede, adaptándoo todo deste mundo da sobreinformación á idade dxs máis cativxs.

  Moitas grazas polo voso seguimento e recordade, se cambias os teus hábitos, cambia a túa vida 💖.

Ata logo!

Quen nos ía decir a nós que o tempo ía pasar tan rápido... parece que foi onte cando comezamos a facer o blog, pero xa van catro meses. Catro meses nos que coñecín e aprendín sobre multitude de recursos que poderei empregar no meu futuro como docente. 

   Persoalmente, penso que esta é unha das asignaturas máis imprescindibles e útiles da carreira, posto que na sociedade na que nos atopamos é esencial saber manexar e sacarlle o máximo partido ás novas tecnoloxías. É unha mágoa que só a teñamos nun cuadrimestre, pois considero que nos queda moito por aprender neste ámbito.

   No que respecta ao noso traballo durante todo o cuadrimestre é de decir que estou moi orgullosa do resultado acadado, pois desde o meu punto de vista conseguimos facer unha revista bastante lograda e coherente. Espero que a vós, tamén vos servira de axuda todo o que fixemos.

Grazas por acompañarmos neste camiño 💕

Vendo a luz do verán

Toca despedirse!

  Esta vai ser a última vez que escriba neste blog, espero que vos gustase e vos servise de utilidade todo o que, as miñas compañeiras mais eu, fomos escribindo nestes posts.

  Pola miña parte, teño que dicir que foi toda unha serendipia o mundo blogger, unha experiencia nova que seguro que me servirá para o meu futuro como docente. As TIC é un dos recursos máis importantes, tanto na actualidade como para as futuras xeracións polo que penso que esta asignatura é totalmente necesaria nesta carreira. Aprender as novas formas de ensino como poder elaborar actividades multimedia, elaborar unha revista dixital ou saber utilizar unha pizarra dixital é algo que de seguro utilizaremos cos nosos futuros alumnos e alumnas.

  Foron 3 meses dun continuo traballo pero mereceron a pena. Agora a gozar do verán!

Espero que todo o noso contido vos fose de utilidade. Un saudiño💓

Presentación de proxectos

Isto está chegando ao seu fin. 

  Como xa ben saberedes, onte tivemos a exposición do traballo que fixemos ao longo de todo o cuadrimestre. Nós tivemos a "sorte" de ser as primeiras en expoñer e iso notouse; os nervios estaban a flor de pel e isto fixo que me trabucara algunha que outra vez. Porque sí, debo confesarvos que aínda que fixéramos o blog, a revista e (como consecuencia) a presentación en galego, eu son castelanofalante. Si para min, xa é todo un reto facer unha exposición, imaxinádevos tela que facer en galego; unha lingua na que, ao meu pesar, non teño a soltura que me gustaría ter. Pero bueno, deixando esto a un lado, penso que o noso proxecto quedou ben explicado.

   En canto ao traballo que fixemos nós teño que recoñecer que estou moi satisfeita cos resultados acadados, posto que ademais de publicar unha revista escolar dixital bastante atractiva e acorde ao que se nos pediu, penso que a coordinación entre nós foi estupenda, cumplindo sempre cos tempos marcados.

   Ao rematar a nosa exposición, tocoulle aos demais grupos. En términos xerais, parecéronme moi interesantes os seus proxectos. Víase que traballaron a fondo na materia, pois tiñan un bo dominio tanto da temática como dos recursos empregados. Destacar tamén o bo uso da voz, pois notáronse grandes diferencias do primer cuadrimestre ao segundo, pouco a pouco a vergoña vai desaparecendo e falar diante do grupo non causa tanto nerviosismo como ao principio de curso. Aínda así, queda moito por aprender e mellorar; temos tres anos de carreira e toda unha vida por diante para facelo.  

Valoración sobre os proxectos expostos

  Moi boas a todas e a todos, como vai indo a vosa semana?

  Na mañá de onte tivemos as presentacións sobre os proxectos que eliximos ao principio do segundo cuadrimestre, como ben xa sabedes polas primeiras entradas do blog. O proxecto que escollín co meu grupo foi a creación dunha revista escolar dixital, unha ferramenta que permite visualizar o seu contido desde calquera parte do mundo, aforrando tempo e, nalgúns casos, custos económicos. Ademais son ecolóxicas e non precisan o uso de papel nin de tintas para a súa impresión ou publicación, evitando a deforestación e contribuíndo desta forma á protección do medio ambiente e dos ecosistemas.

  Respecto ás presentacións gustáronme cada unha delas, non soamente por como o fixeron, senón tamén polo feito de observar que cada persoa do grupo aprendeu moito nesta materia, sabendo que o imos a levar fóra e as nosas aulas nun futuro coma docentes. En canto á miña presentación, sen ter en conta a parte das miñas compañeiras, sei que o puiden facer mellor pero os nervios sen previo aviso fixeron un pouco das súas, xa sabedes... Aínda así estou satisfeita co traballo realizado, estando orgullosa tamén polo noso compromiso de principio a fin, organizándonos e axudándonos unhas ás outras.

Valoramos o traballo

  Vámonos despedindo amigxs!

  Hoxe tivemos as presentacións na aula sobre os nosos proxectos, unha clase do máis entretida posto que observamos o traballlo de todo un cuadrimestre. Pese a que aínda se nos trabe algunha palabra ou a nosa voz se escoite con certo tremor, coido que é fundamental facer, polo menos, unha presentación, non so para ir perdendo o "medo" ao falar diante de todxs, senon que vas collendo certa costume para o noso futuro traballo, a docencia.

  En canto á presentación persoal, teño que dicir que estou moi orgullosa do noso traballo, si que é certo que na parte máis tecnolóxica tivemos certos problemiñas co ordenador da aula pero, coido que o resultado final foi excelente. Tanto na exposición como no traballo do día a día coordinámonos moi ben entre todas, tratando de cumprir odos os obxectivos que se nos propuñan no cronograma da mellor maneira posible.

  Tamén teño que darlle a noraboa ao resto de traballos expostos, pois fixerono dunha maneira moi entretida e didáctica, mostrándonos todas as súas actividades de diferentes formas. A única pega que podo encontrar é que, algunha diapositiva fíxose imposible chegar a lela toda á vez que prestabas ateción á explicación posto que tiña demasiada letra. Pero inda así penso que todxs levaremos moi boa nota, o esforzo de 3 meses valerán a pena!

A presentación

Ola blogueirxs!

 Hoxe voltamos as tres integrantes do grupo para ensinarvos algo do que estamos moi orgullosas, a nosa presentación. Esta sirveunos de apoio para contar todo o que fixemos ata agora, ás nosas compañeiras, e como coidamos que lles gustou, tamén lla queremos ensinar aos nosos blogueirxs. 

 Tamén aproveitamos para irnos despedindo, a nosa labor por aquí está a piques de rematar. É unha mágoa que fose tan pouco tempo convosco, as últimas semanas foron as máis entretidas, pero como todo o bo, isto acábase.

Revista escolar dixital

  Ola compañeiros e compañeiras!

  Xa sabedes que estamos a punto de rematar, por iso vimos por aquí para ensinarvos a nosa revista sobre os hábitos saudábeis. Dentro dela podedes informar aos nenos e nenas, ensinándolles a teoría así coma todas as actividades que realizamos.

  A revista é unha ferramenta que conta cunha estrutura pensada para facilitar a aprendizaxe, pois empeza cunhas actividades motivadoras e atraíntes para os máis cativxs. A medida que o alumando se afonda na revista, vai descubrindo novos apartados (alimentación, deportes e hixiene) que lles permitirán ampliar e consolidar os seus coñecementos.

Paara facer esta revista escollimos a aplicación Joomag, unha ferramenta moi completa pero ao principio custounos collerlle o punto, posto que non estabamos acostumadas. 

  Espero que sirva para as vosas sesións 😉

Open publication - Free publishing

  Ata pronto😘

Case rematando

  Blogueiras e blogueiros, hoxe é un día no que estamos contentas por poder ensinarvos o noso proxecto co seu respectivo informe.

  Neste  post queremos ensirnarvos o noso informe final da revista escolar dixital sobre os hábitos saudábeis. Traballamos decotío para obter un estupendo resultado lucrativo e agradable tanto para o grupo de docentes coma para o alumnado. Este conta con todas as últimas actividades, cos nosos obxectivos do proxecto e unha breve conclusión, agardamos que vos guste!

Isto non é unha despedida definitiva, senón un deica logo.

Recursos educativos para a aula

Boas!

   Hoxe pásome por aquí para presentarvos os últimos catro recursos que fixen. Para realizar estas actividades empreguei as plataformas de Educaplay e Edilim e a páxina de Ensopados.

   Sopa de letras: este tipo de pasatempos son ideais para potenciar a capacidade lingüística dos máis pequenxs. Neste caso trátase dunha sopa de letras de alimentos. As palabras pódense atopar en sentido ordinario, invertidas ou incluso en diagonal. Cada vez que se actualiza a páxina, as palabras aparecen nunha orde diferente e ademáis de poder facerse online, permite imprimilo.

   Crucigrama: igual que a sopa de letras, os crucigramas tamén facilitan a concentración e potencian as habilidades lingüísticas. Se premedes na imaxe, poderedes acceder a un divertido crucigrama de froitas e verduras.

   Ruleta de palabras: con esta tarefa preténdese exercitar a memoria e ampliar o vocabulario no ámbito dos deportes. Son definicións sinxelas, pero o alumnado deberá estar concentrado para contestar rápidamente, pois conta cun máximo de 5 minutos.

   Relacionar frases: esta actividade fíxena en Edilim, plataforma que ofrece múltiples plantillas para facer diferentes actividades. Neste caso, a tarefa trata de relacionar frases sobre hábitos saudábeis, tanto de alimentación, como de hixiene e actividade física.

   E isto é todo amigxs, ata aquí a nosa aportación de recursos para a aula, esperemos que vos serviran de axuda.

Divertirse na aula

  Aquí de novo!

  Como ben dixo a miña compañeira no anterior post, seguimos engadindo novos recursos multimedia. Estes os poderedes utilizar nas vosas aulas para que o voso alumnado poida ao mesmo tempo aprender e xogar. Ademais, as mestras e mestres poderán recomendarlle algunhas acitividades aos pais e nais e así poder seguir formando aos cativos e cativas nas súas casas.

  As actividades que creei foron a través de Educaplay, Jigsaw e Kubbu. Todas son plataformas gratuítas e moi sinxelas de usar, e por se che surxira algunha duda no seu uso, contan con videotutoriales no que che explican todos os pasos a seguir.

• Emparexados: estes xogos serven para poñer a proba a memoria de todo o alumnado e que aprendan memorizando. As cartas que utilicei son a de diferentes rutinas de  hábitos saudábeis como pode ser lavarse os dentes. Estes pequenos actos transforman o aprendizaxe nunha diversión polo que os máis pequenxs colleran esas pequenas rutinas e acomodaranas ao seu día a día. 

• Segue a liña do deporte: con este xogo os nenos e nenas poderán aprender o nome de diferentes de deportes. Algún dos que non coñezan podrán causarlle curiosidade e esto incitaraos a indagar sobre eles ou incluso a apuntarse a algún!
  
  

• Quebracabezas: este tipo de xogos son moi completos xa que permiten aos nenos e nenas mellorar a súa atención e concentración, autocontrolarse e reflexionar antes de actuar, desenvolver unha visión espacial e a mellorar o razoamento perceptivo entre outros. Co quebracabezas que elaborei todo o alumnado, que sexa capaz de resolvelo, obterá unha imaxe de diferentes alimentos que conforman unha dieta rica e equilibrada.
  
  

• Preguntas de Brais: este pequeno cuestionario fai referencia a o vídeo que subín fai uns días sobre a historia de Brais. A través das preguntas intento recalcar aqueles puntos máis importantes do tema que estamos a tratar, os hábitos saudábeis e así crear un pensamento autocrítico en todo o alumnado 

As miñas actividades multimedia para a aula

  Moi boas xa estamos de volta!!

 No día de hoxe as miñas compañeiras máis eu traémosvos doce recursos didácticos multimedia para ser utilizados na aula. Sen duda algunha estes atractivos materiais multimedia poden favorecer aos procesos de ensinanza e aprendizaxe, tanto individuais coma grupais. As súas aportacións son numerosas: proporcionan información, avivan o interese, manteñen unha continua actividade intelectual, orientan ás aprendizaxes, facilitan a avaliación e o control, promoven a iniciativa entre o alumnado, etc.

  A miúdo o alumnado aprende as cousas con menos tempo, aínda que pode darse o caso de ser unha aprendizaxe incompleta e superficial. Acercánse e póñense máis en contacto coas novas tecnoloxías e coa linguaxe audiovisual. O problema disto é o sobreuso e o exceso que por regla xeral xa lle dan de por si nos seus fogares cada un dos nenos e nenas, conlevando á posible aparición de problemas visuais.

 Tras facer unha breve introdución, paso a ensinarvos as actividades multimedia que creei, explicándovos que son e a finalidade que teñen. As dúas primeiras foron realizadas na mesma aplicación, Educaplay, unha plataforma gratuíta que permite xerar as nosas propias actividades educativas de maneira sinxela e cun resultado apto e óptimo.

• Adiviñas: Enigma ou pregunta enxeñosa para entreterse en acertar a resposta. Entre os obxectivos que nos podemos encontrar están o feito de entreter e divertir ao alumnado, ou de contribuir á aprendizaxe e á ensinanza. No noso caso son cinco imaxes (unha por adiviña, é dicir, hai cinco adiviñas en total) que se irán desenfocando a medida que pides, se o precisas, unha nova pista para tentar dar coa resposta correcta, a cal é o nome do obxecto ou feito que aparece na imaxe. Todas as adiviñas teñen como tema principal a hixiene persoal. Obviamente non vos vou a dicir por aquí cales son as respostas, para iso teredes que xogar jejeje.

- Adiviña 1:

https://es.educaplay.com/recursos-educativos/4461943-adivinas_ou_rendeste.html

- Adiviña 2:

https://es.educaplay.com/recursos-educativos/4461881-adivinas_ou_rendeste.html

- Adiviña 3:

https://es.educaplay.com/recursos-educativos/4453752-adivinas_ou_rendeste.html

- Adiviña 4:

https://es.educaplay.com/recursos-educativos/4453734-adivinas_ou_rendeste.html

- Adiviña 5:

https://es.educaplay.com/recursos-educativos/4453699-adivinas_ou_rendeste.html

• Completar as oracións coas palabras soltas. Con este simple exercicio co cal ordenan as palabras pola súa orde correcta para que o significado teña relación e coherencia, averiguamos se comprenderon o texto na súa totalidade. Ademais, a capacidade de comprender adecuadamente o que lemos facilitará a aprendizaxe dos coñecementos posteriores.

• Preguntas tipo test sobre a primeira parte do cómic de "Brando Hero". As probas tipo test son un modelo de exame de resposta pechada, é dicir, non admite variación na resposta. Están destinadas a avaliar os coñecementos, aptitudes ou funcións. Poden ser orais ou escritos, con preguntas de resposta simple (unha única opción) ou múltiple (dúas ou máis repsostas correctas). Permiten corrixir cuantitativamente e mesmo de forma automatizada, o inconveniente é que solamente se poden avaliar os contidos ou determinar habilidades de asociación e non outors aspectos como a abstracción, a capacidade de expresión, a articulación dos coñecementos, etc. A aplicación foi Kubbu, da cal xa vos falei anteriormente 😉.

• EdiLIM sobre deportes. Son tres exercicios interactivos, dous de clasificar textos e un de preguntas. No primeiro tense que clasificar as oracións que aparezcan co seu respectivo deporte (baloncesto/fútbol e ximnasia rítmica/judo). No segundo simplemente tense que contestar as preguntas cunha resposta curta.